- शनिबार, कार्तिक १५, २०८३ / Saturday, Oct, 31 ,2026
काठमाडौं – मोरङको कानेपोखरी गाँउपालिकामा अवस्थित एक सहकारी संस्थामा चोरी भएको छ । गाँउपालिकास्थित जनमुखी बचत तथा ऋण सहकारी संस्थाबाट ५ लाख ५ सय ५१ रुपैया चोरी भएको हो ।
शनिबार राती संस्थामा सुरक्षाका लागि जडान गरिएको सिसिटिभी क्यामेराको तार काटेर चोरी भएको सहकारी संस्थाका उपाध्यक्ष हरि कोइरालाले जानकारी दिए । उपाध्यक्ष कोइरालाका अनुसार असोज ४ गते हुने संस्थाको २७ औं साधारण सभाको तयारीका लागि शनिबार राती करिब १० बजेसम्म सञ्चालक समितिका पदाधिकारी संस्थामा बसेर काम गरेका थिए ।
आइतबार बिहान ७ बजे संस्था खोल्ने क्रममा संस्थाका परिचालक रमेश शिवाकोटीले चोरी भएको थाहा पाएर इलाका प्रहरी कार्यालयलाई खबर गरेका थिए। चोरी गर्नेको पहिचान हुन नसकेको र खोजी गर्दै अनुसन्धान अघि बढाइएको प्रहरीले जनाएको छ ।
