- बिहिबार, भदौ ४, २०८३ / Thursday, Aug, 20 ,2026
काठमाडौं – कपिलवस्तुको वहादुरगञ्जमा एक महिलाको शंकास्पद अवस्थामा शव फेला परेको छ । उनको हत्या भएको हुनसक्ने आशंका प्रहरीले गरेको छ ।
कृष्णनगर नगरपालिका ८ वहादुरगञ्ज बस्ने २८ वर्षिया संगीता कलवार मंगलबार बिहान साढे तीन बजे शौच गर्न घर बाहिर निस्किएको परिवारले जनाएको छ । उनको शव घर नजिकैको झाडीमा फेला परेको थियो ।
शवको पोष्टमार्टमका लागि शिवराज अस्पतालमा राखिएको छ । उनको घाँटीमा निलडाम देखिएको प्रहरीले जनाएको छ । घटनाबारे थप अनुसन्धान भइरहेको जनाईएको छ ।
