- बिहिबार, भदौ ४, २०८३ / Thursday, Aug, 20 ,2026
काठमाडौं – विराटनगर मोरङमा १५ वर्षीया किशोरीमाथी बसभित्रै बलात्कार प्रयास गरिएको छ । बलात्कार गर्न खोजेको आरोपमा चालक र सहचालकलाई प्रहरीले पक्राउ गरेको छ ।
पक्राउ पर्नैमा ना ६ ख ९३४४ नम्बरको यात्रु बसका चालक मोरङको रंगेली नगरपालिका–३ का ३७ वर्षीय किरण खड्का र सहचालक उर्लाबारी नगरपालिका–४ का १९ वर्षीय सन्तोष न्यौपाने रहेका छन् ।
धनकुटा घर भई दमक नगरपालिका निवासी आफन्तकहाँ बस्दै आएकी १५ वर्षीय बालिकालाई गत २२ गते उनीहरुले बसभित्रै बलात्कार गर्न खोजेका थिए । पीडित बालिकाले प्रतिकार गरी चिच्याएपछि स्थानीयवासीले प्रहरीलाई सूचना दिएका थिए ।
उक्त सुचनापश्चात प्रहरीले उनिहरुलाई नियन्त्रणमा लिएको इलाका प्रहरी कार्यालय रंगेलीले जनाएको छ ।
