- आइतवार, कार्तिक १६, २०८३ / Sunday, Nov, 01 ,2026
काठमाडौं – बागमती नगरपालिका सोल्टीबजार मोटरसाइकलको ठक्करबाट पैदलयात्री एक व्यक्तिको मृत्यु भएको छ ।
शनिबार राति सोल्टी बजारमा नाच हेर्न आउँदै गरेका बागमती–४ जिरायत माझीटोलका स्थानीय ५० वर्षीय इन्द्रबहादुर कुश्वारलाई बा ३१ प ६८०२ नम्बरको मोटरसाइकलले ठक्कर दिँदा घाइते भएका हुन् । घाइते कुश्वारको बरहथवास्थित संजीवनी हस्पिटलमा उपचारको क्रममा मृत्यु भएको प्रहरीले जनाएको छ ।
घटनामा संलग्न मोटरसाइकल प्रहरीले नियन्त्रणमा लिएको छ । चालक फरार रहेकाले खोजी भैरहेको इलाका प्रहरी कार्यालय बरहथवाले जनाएको छ।
