- बिहिबार, भदौ ४, २०८३ / Thursday, Aug, 20 ,2026
काठमाडौं – नवलपरासीको कावासोती नगरपालिका –८ पूर्व–पश्चिम राजमार्गमा गएराति ट्रक र कार एक आपसमा ठोक्किँदा कारमा रहेका पाँच जनाको मृत्यु भएको छ ।
राति सवा १० बजे कावासोती नगरपालिका–८ खरकट्टा जंगलमा पश्चिमबाट पूर्वतर्फ जाँदै गरेको लु १ ख ८५३२ नम्बरको ट्रक र विपरित दिशाबाट आउँदै गरेको बा २१ च ६४०९ नम्बरको कार एक आपसमा ठोक्किएका हुन् ।
मृत्यु हुने पाँचै जना पुरुषको पहिचान खुल्न बाँकी रहेको छ । र्दुघटनामा गम्भिर घाइते भएका पाँचै जनाको उपचारका लागि चितवन लैजाने क्रममा वाटोमा नै मृत्यु भएको प्रहरीले जानकारी दिएको छ ।
कारमा फेला परेका कागजातले मृत्यु हुनेहरु देवचुलीको हुनसक्ने अनुमान गरिएको छ ।
