- बिहिबार, भदौ ४, २०८३ / Thursday, Aug, 20 ,2026
काठमाडौं – जनकपुर विमानस्थलस्थित बुद्ध एयरको काउन्टरमा तोडफोड गरेको अभियोगमा पक्राउ परेका राष्ट्रिय जनता पार्टी नेपालका सांसद प्रमोदकुमार साह साधरण तारेखमा रिहा भएका छन्।
सर्लाहीबाट निर्वाचित प्रतिनिधिसभाका सांसद साहलाई शुक्रबार जिल्ला अदालत धनुषाले साधारण तारेखमा रिहा गर्न आदेश दिएको हो ।
जहाज ढिलो भएको भन्दै बुद्ध एयरको काउन्टर तोडफोडको आरोपमा साहविरुद्ध परेको मुद्दामाथि शुक्रबार न्यायाधीश तेजनारायण पौडेलले थुनछेकको बहस गर्दै रिहाइको आदेश दिएका हुन्।
गत सोमबार काठमाडौं आउँन जनकपुर विमानस्थल पुगेका सांसद साहले जहाज ढिलो भएको रिसमा बुद्ध एयरको काउन्टर तोडफोड गरेका थिए । उनलाई प्रहरीले मंगलबार त्रिभुवन विमानस्थलको आन्तरिक टर्मिनलबाट पक्राउ गरेको थियो ।
सांसद साह रिहा भएपछि राजपाले धनुषा, सर्लाहीसहितका जिल्लामा आह्वान गरेको बन्दसहितका कार्यक्रम फिर्ता लिने निर्णय गरेको छ।
