- बिहिबार, भदौ ४, २०८३ / Thursday, Aug, 20 ,2026
काठमाडौं – भोली (मङ्गलवार) देखि भद्रपुर विमानस्थल १० दिन पूर्णरूपमा बन्द हुने भएको छ । झापाको चन्द्रगढीस्थित भद्रपुर विमानस्थल २६ कात्तिकदेखि ५ मंसिरसम्म बन्द हुने भएको हो ।
विमानस्थलको नियमित मर्मत सम्भार गर्नको लागी विमानस्थल बन्द हुने व्यहोरा नागरिक उड्डयन प्राधिकरणले बताएको छ । यससँगै अब झापामा हुने उडान अवतरण १० दिन ठप्प हुनेछ ।
भद्रपुर नेपालको सबैभन्दा व्यस्त विमानस्थलमध्ये एक हो । यस विमानस्थलमा नेपाल एयरलाइन्ससँगै बुद्ध, यती, सौर्य र श्री एयरलाइन्सले उडान गर्दै आएका छन् ।
युसेवा सञ्चालक संघ (आयोन)ले झापाको भद्रपुरबाट भइरहेका उडान अब विकल्पका रूपमा विराटनगरबाट हुने जानकारी दिएको छ ।
