- आइतवार, कार्तिक १६, २०८३ / Sunday, Nov, 01 ,2026
युवतीमाथि यौन बलात्कार गरेको आरोपमा पक्राउ परेका अनेरास्ववियुका विद्यार्थी नेता इन्द्रहाङ राईलाई अदालतले थुनामा पठाएको छ।
जिल्ला अदालत काठमाडौंका न्यायाधीश विनोदकुमार पोखरेलको इजलाशले बिहीवार उनलाई थुनामा पठाउने आदेश दिएको हो। प्रहरीले गत असोज १२ गते १८ वर्षीया किशोरीलाई बलात्कार गरेको आरोपमा राईलाई नियन्त्रणमा लिएको थियो।
रत्नराज्य लक्ष्मी क्याम्पसको स्वतन्त्र विद्यार्थी युनियनका सहसचिव तथा अनेरास्ववियुका केन्द्रीय सदस्य रहेका राईलाई यौन दुर्व्यवहारमा पक्राउ गरेपछि दुवै पदबाट मुक्त गरिएको छ।
राईले आफ्नै साथीकी बहिनीलाई गोकर्णेश्वर ६ स्थित आफन्तको कोठामा लगेर बलात्कार गरेको आरोप छ। प्रहरीले घटनास्थलबाट प्राप्त गरेको राईको विर्य समेत परीक्षण गरेको थियो।
