- बिहिबार, भदौ ४, २०८३ / Thursday, Aug, 20 ,2026
भारतले जारी गरेको नयाँ नक्साको विरोधमा प्रतिबन्धित नेत्रविक्रम चन्द नेतृत्वको नेकपा निकट अनेरास्ववियु क्रान्तिकारीले बुटवलमा आइतबार वृहत प्रदर्शन गरेको छ ।
बुटवलका आधा दर्जन ठूला क्याम्पसका विद्यार्थीहरुले प्रहरीको अवरोधको बावजुद पनि प्रदर्शन गरेका हुन् । प्रहरीले रोक्न खोजेपनि ठूलो संख्यामा रहेका विद्यार्थीले प्रहरीको अवरोधलाई छिचोल्दै विरोध प्रदर्शन गरे ।
‘लिम्पियाधुरा, कालापानी र लिपुलेक नेपालको हो’, ‘भारतीय सेना नेपाल छोड’ लगायतका नारा लगाउँदै विद्यार्थीले बिरोध जुलुस निकालेका थिए । अनेरास्ववियु (क्रान्तिकारी) लुम्बिनी क्षेत्रीय समन्वय समितिको आयोजनामा बिरोध जुलुस निकालिएको हो ।
बुटवलका बिभिन्न कलेजका विद्यार्थीले कालिकानगर, देवीनगर, मिलनचोक, नयाँ बसपार्क लगायतबाट जुलुस निकालेका थिए । विरोध जुलुसमाथि प्रहरीले हस्तक्षेप गरेर विनोद विश्कर्मा र शिशिर नेपालीलाई नियन्त्रणमा लिएको थियो । तर उनीहरुलाई केहीबेर सोधपुछ गरेर छाडिएको छ ।
