- बिहिबार, भदौ ४, २०८३ / Thursday, Aug, 20 ,2026
पूर्वपश्चिम राजमार्ग अन्तर्गत बाराको निजगढ स्थित सडक खण्डको उनासी पुलबाट यात्रुबाहक बस तल खस्दा २५ भन्दा बढी यात्रु घाइते भएका छन् । घाइते मध्ये १९ जनाको अवस्था गम्भिर रहेको छ ।
जनकपुरबाट भैरहवातर्फ तिव्र गतिमा आई रहेको ना ४ ख ७९९० नम्बरको यात्रुबाहक बसको आज अचानक पट्टा भाचिएर अनियन्त्रित भई दुर्घटना हुँदा बस पुलको दक्षितर्फबाट करिब १० फिट तल झरेर पल्टिएको प्रहरीले जनाएको छ ।
घाइते २५ जना मध्ये गम्भिर घाइते १९ जनालाई वीरगंजको नारायणी अस्पताल, नेशनल मेडिकल शिक्षण अस्पतालमा उपचारका लागि लगिएको छ भने अन्य घाइतेको निजगढ सामुदायिक अस्पतालमा उपचार भई रहेको बारा प्रहरीले जनाएको छ ।
यसैबिच दुर्घटनामा गम्भिर घाइते भएका नेपाली सेनाका पाच जना जवानलाई हेलिकप्टरमार्फत बीरगंजबाट सेनाले थप उपचारका लागि काठमाडौं ल्याइएको जनाइएको छ ।
बसमा ४० जना भन्दा बढी यात्रु रहेका थिए ।
