- बिहिबार, भदौ ४, २०८३ / Thursday, Aug, 20 ,2026
काठमाडौं – काठमाडौंको कलंकीस्थित मकालु पेट्रोल पम्प नजिकै आज बिहानै टिपरको ठक्करबाट एक पुरुषको मृत्यु भएको छ ।
आज बिहान सवा ५ बजे सडकको फोहोर उठाउँदै गरेका अन्दाजी ४० वर्षीय पुरुषलाई बल्खुबाट स्वयम्भुतर्फ जाँदै गरेको बा २ क ५७०५ नम्बरको टिपरले ठक्कर दिँदा उनको मृत्यु भएको हो ।
ठक्करबाट गम्भीर घाइते भएका उनको महाराजगञ्ज स्थित त्रिवि शिक्षण अस्पतालमा उपचारको क्रममा मृत्यु भएको प्रहरीले जनाएको छ ।
मृतकको सनाखत हुन बाँकी छ ।
सवारी साधन लिएर फरार रहेका चालकलाई सिसी क्यामेराको सहायतामा मुड्खुबाट आजै प्रहरीले नियन्त्रणमा लिएको छ ।
