- बिहिबार, भदौ ४, २०८३ / Thursday, Aug, 20 ,2026
काठमाडौं – नेपाली कांग्रेसभित्र देखिएको आन्तरिक विवाद हल गर्न बनेको समितिको बैठक बसेको छ । पूर्व महामन्त्री प्रकाशमान सिंहको निवास चाक्सीबारीमा आज बैठक बसेको हो ।
उपसभापति विमलेन्द्र निधि, पूर्वमहामन्त्री प्रकाशमान सिंह, नेताहरु हृदयराम थानी र दिलेन्द्रप्रसाद बडु सम्मिलित समितिले विवाद समाधान गर्नेगरी विकल्प तयार पारेको जनाइएको छ ।
तर, सभापति शेरबहादुर देउवा र बरिष्ठ नेता रामचन्द्र पौडेलसँग छलफल गरेर मात्रै निष्कर्षमा पुग्नेगरी बैठक सकिएको छ ।
१४औं महाधिवेशनको मिति बैठकको एजेण्डामा नपरेको भन्दै बरिष्ठ नेता पौडेलले केन्द्रीय कार्य समिति बैठक बहिष्कार गर्दै आएका छन् । सभापति देउवाले भने महाधिवेशनको कार्यतालिका भन्दा पनि विभाग गठन, संघीयताअनुसार, संगठन निर्माण र भातृ संगठनहरुको व्यवस्थापनको प्रस्ताव बैठकमा प्रस्तुत गरेका छन् ।
