- बिहिबार, भदौ ४, २०८३ / Thursday, Aug, 20 ,2026
काठमाडौं – केही दिन देशभर बदली र वर्षा गराएको मौसमी प्रणाली कमजोर भएकाले मौसम सुधार हुँदै गएको जल तथा मौसम पूर्वानुमान महाशाखाले जनाएको छ ।
शनिबारसम्म सक्रिय रहेको पश्चिमी न्यून चापीय प्रणाली कमजोर हुँदै गएको छ। सो मौसमी प्रणाली कमजोर भए पनि हाल देशका पहाडी भू-भाग तथा उच्च पहाडी तथा हिमाली क्षेत्रमा आंशिक बदलीको अवस्था छ । बाँकी क्षेत्रमा भने मौसम सामान्यतया सफा नै रहेको छ । तराईका क्षेत्रमा बिहान हुस्सु लागे पनि दिउँसो मौसम खुल्ने जनाइएको छ ।
दिनभर पनि पहाडी तथा उच्च पहाडी र हिमाली क्षेत्रमा आंशिक बदलीको अवस्था रहे पनि बाँकी क्षेत्रमा भने मौसम सफा हुनेछ । पानी पर्ने सम्भावना भने नरहेको जनाइएको छ ।
काठमाडौं उपत्यकासहितका क्षेत्रमा आइतबार दिनभरजसो घाम लाग्ने छ । बिहान ४.५ डिग्री सेल्सियस मापन भएको काठमाडौंको तापक्रम दिउँसो बढेर १७ डिग्रीसम्म पुग्न सक्ने मौसमविदले जनाए ।
