- आइतवार, कार्तिक १६, २०८३ / Sunday, Nov, 01 ,2026
कृषि विकास बैंकको क्रिडेन्सीयल ह्याकिङ गरी एक करोड रकमसहित फरार भएका दीपक नेपाललाई प्रहरीले पक्राउ गरेको छ ।
मोरङ्गको रङ्गेली नगरपालिका-२ बस्ने ४३ वर्षीया दीपकले नाइजेरियन र भारतीय नागरिकसँगहरु मिलेर बैंक तथा वित्तीय संस्थाहरुबाट ५ अर्ब नेपाली रुपैयाँ भन्दा बढी लुट्ने योजना बनाएका थिए ।
सोही योजना अनुसार विभिन्न नेपाली नागरिकहरुलाई प्रयोग गरी कृषि विकास बैंक ह्याक गरी रकम निकालेका थिए ।
नेपाललाई महानगरीय प्रहरी अपराध महाशाखाको टोलीले गत पुस १८ गते पक्राउ गरेको थियो । उनलाई थप अनुसन्धानका लागि महानगरीय प्रहरी परिसर काठमाडौं पठाइएको महाशाखाका सूचना अधिकृत प्रहरी उपरिक्षक मुकेश कुमार सिंहले जानकारी दिए ।
