- बिहिबार, भदौ ४, २०८३ / Thursday, Aug, 20 ,2026
सहकारी चोरीमा संलग्न रहेको आरोपमा पक्राउ गरिएका तीन जनालाई प्रहरीले सार्वजनिक गरेको छ।
इलाका प्रहरी कार्यालयले चोरीका आरोपित ३९ वर्षीय कृष्णराज लामा, २८ वर्षीय धनबहादुर रूम्बा र २८ वर्षका सन्जिवकुमार लामालाई बिहीबार सार्वजनिक गरेको हो । उनीहरू तीनै जना ईन्द्रसरोवर गाउँपालिका(५ मधुवनका हुन्।
उनीहरूमाथि मकवानपुरको थाहा नगरपालिका-६ बज्रबाराहीस्थित बज्रबाराही बचत तथा ऋण सहकारी संस्थामा चोरी गरेको आरोप छ ।
गत २० पुसमा सहकारीबाट ४ लाख २० हजार रुपैयाँ चोरी भएको थियो। राति कार्यालय प्रवेश गरेर उनीहरूले चोरी गरेको प्रहरीको दाबी छ।
उनीहरूको साथबाट २ लाख ४ हजार ८ सय ८५ रुपैयाँ बरामद गरिएको प्रहरीले जनाएको छ। साथै, चोरीमा प्रयोग भएका २ वटा मोटरसाइकलसमेत नियन्त्रणमा लिइएको छ।
मुलुकी अपराध संहिता, २०७४ को चोरी तथा डाकासम्बन्धी कसुर बमोजिम उनीहरूमाथि अनुसन्धान भइरहेको प्रहरीले जनाएको छ।
