- बिहिबार, भदौ ४, २०८३ / Thursday, Aug, 20 ,2026
धनुषाको मिथिला नगरपालिकामा टिपरले किचेर युवकको मृत्युपछि आन्दोलन चर्किएको छ ।
अवैध गिट्टी बालुवा उत्खननको विरोध गर्दै आएका २४ वर्षीया दिलीपकुमार महतोलाई बाटोमा किचेर मारेको भन्दै आफन्त र स्थानीयले पूर्वपश्चिम राजमार्ग बन्द गरी आन्दोलन चर्काएका थिए ।
बिहानैदेखि बन्द राजमार्ग खुलाउन प्रहरीले २५ अश्रु ग्यास प्रहार गरेको छ । सडक खुलाउने विषयमा बल प्रयोग गर्न खोज्दा प्रहरी र प्रदर्शनकारीबीच झडप भएको छ । झडपमा एक प्रहरी जवान घाइते भएका छन् ।
प्रदर्शनकारीले ढुंगामुढा गरेपछि प्रहरीले लाठीचार्ज र अश्रु ग्यास प्रहार गरेको हो । अश्रु ग्यास प्रहारपछि स्थानीयले राजमार्ग छाडेका छन् ।
ना७ख ६४१३ नम्बरको टिपरले शुक्रबार बिहान मर्निङवाकमा निस्किएका महतोलाई धनुषाको औरही खोला नजिक किचेको हो ।
टिपर र चालकलाई नियन्त्रणमा लिइएको इलाका प्रहरी कार्यालय ढल्केवरले जनाएको छ ।
