- बुधबार, कार्तिक १९, २०८३ / Wednesday, Nov, 04 ,2026
जिल्ला प्रशासन कार्यालय बझाङले छाउपडी प्रथा हटाउनका लागि ग्रामीण बस्तीहरुमा जनचेतना मुलक कार्यक्रमहरु संचालन गर्न जिल्लाका ११ वटै स्थानीय तहहरुलाई अनुरोध गरेको छ ।
जिल्लामा रहेका साईपाल गाँउपालिका, तल्कोट, मष्टा, सुर्मा, खप्तडछान्ना, छविसपाथिभेरा, थलारा, केदार स्युँ, दुर्गाथली, विथ्थडचिर गाँउपालिका र जयपृथ्वी नगरपालिकाका प्रमुख, उपप्रमुख तथा प्रशासकीय अधिकृतहरुलाई छाउपडी गोठ भत्काउन र ग्रामीण बस्तीहरुमा जनचेतना मुलक कार्यक्रमहरु संचालन गर्न प्रशासनले अनुरोध गरेको हो ।
रुढिवादी परम्परा, जनचेतनाको कमी तथा अन्ध विश्वासका कारण ग्रामीण बस्तीका महिलाहरु छाउ गोठमा बस्ने गरेको पाइएको छ ।
यसको अन्त्यका लागि छाउगोठ भत्काउने अभियानसंगै जनचेतना मुलक कार्यक्रमहरु संचालन गर्न सके झन प्रभावकारी हुने प्रमुख जिल्ला अधिकारी उमेश पाण्डेले बताए ।
अहिलेसम्म बझाङ जिल्लाका सबै स्थानीय तहहरु गरेर ६३ वटा छाउगोठ भत्काइएको छ ।
