- बिहिबार, भदौ ४, २०८३ / Thursday, Aug, 20 ,2026
गायिका आस्था राउतविरुद्ध प्रहरीले मुद्दा दर्ता गराएको छ । गायिका आस्था राउतविरुद्ध अभद्र व्यवहारमा मुद्दा जिल्ला प्रशासन कार्यालय काठमाडौंले पक्राउ पूर्जी जारी गरेको छ। प्रहरीले अभद्र व्यवहारमा मुद्दा दर्ता गराएसँगै प्रशासनबाट पक्राउ पूर्जी जारी गरिएको छ ।
महानगरीय प्रहरी परिसरले आइतबार जिल्ला प्रशासन कार्यालय काठमाडौं राउतविरुद्ध अभद्र व्यवहारमा मुद्दा दर्ता गराएको परिसरका प्रमुख एसएसपी उत्तम सुवेदीले जानकारी दिए । मुद्दा दर्तालगत्तै प्रहरीले राउतलाई पक्राउ गर्ने तयारी गरेको छ ।
गत बुधबार त्रिभुवन विमानस्थमा हुँदै भद्रपुर जाने क्रममा सुरक्षा चेकजाँचका गर्ने महिला प्रहरीसँग विवाद भएको थियो ।
विवादको विषयलाई लिएर राउतले फेसबुक लाईभ गर्दै प्रहरीलाई गाली गरेपछि विवाद बाहिर आएको हो । विमानस्थल सुरक्षा जाँचको भिडियोसमेत सार्वजनिक भएको छ ।
अभद्र व्यवहारमा प्रहरीले २५ दिनसम्म थुनामा राखेर अनुसन्धान गर्न पाउने व्यवस्था रहेको छ । दोषी गठर भए एक वर्ष जेल सजाय र १० हजार जरिमाना वा दुबै सजाय हुने कानुनी व्यवस्था छ ।
