- बिहिबार, भदौ ४, २०८३ / Thursday, Aug, 20 ,2026
आँखामा खुर्सानीको धुलो हालेर काभ्रेका एक व्यक्तिको करिब ५० लाख रुपैयाँ लुटिएको छ ।
लुटिनेमा काभ्रेका बच्चुराम गुरुङ रहेको प्रहरीले जनाएको छ । उनी शनिबार साँझ बालाजुको काभ्रेस्थली जंगलबाट लुटिएका हुन् ।
उनलाई लुटेरा समूहले बल्ने ढुंगो बेच्ने लोभ देखाएर जंगलमा बोलाई आँखामा खुर्सानीको धुलो हालेर उनले बोकेको पैसा लुटेको महानगरीय अपराध महाशाखाको भनाइ छ ।
लुटेरा समूहका ६ जनालाई प्रहरीले राति नै पक्राउ गर्न सफल भएको छ । उनीहरूबारे थप जानकारी दिन प्रहरीले आइतबार पत्रकार सम्मेलनको आयोजना गरेको छ ।
लुटिने गुरुङ नेपाली सेनाका पूर्वसुवेदार रहेको खुलेको छ ।
