- बिहिबार, भदौ ४, २०८३ / Thursday, Aug, 20 ,2026
काठमाडौं – चर्चित गायक प्रमोद खरेल क्रिकेट विकास समिति प्रदेश १ को सद्भावना दूतमा नियुक्त भएका छन्।
समितिको विराटनगरमा बसेको बैठकले खरेललाई दूत बनाएको हो । यस्तै विराटनगरका मेयर भीम पराजुली, पूर्व खेलाडी पारस लुनियासहित ६सदस्यीय सल्लाहकार समिति पनि गठन भएको छ ।
बैठकले विभिन्न उपसमितिहरु बनाउनुका साथै अजय राजवंशीलाई प्रदेशको सिनियर पुरुष टिमको टिम म्यानेजर तोकेको छ । महिला टिमको म्यानेजर भने पूर्वखेलाडी र जिल्ला महिला सदस्यहरुलाई आलोपालो पठाइनेछ ।
यस्तै प्रदेशमा आवद्ध ५ जिल्लाहरुमा विद्यालय तथा कलेजस्तरीय प्रतियोगिता आयोजना गर्न मनोज कटुवालको संयोजकत्वमा समिति समेत गठन भएको छ ।
पछिलो समय प्रमोद सांगीतिक रियालिटी शो ‘द भ्वाइस अफ नेपाल’ का २ संस्करणका जज समेत रहेका छन् ।
