- बिहिबार, भदौ ४, २०८३ / Thursday, Aug, 20 ,2026
ललितपुरको बखुण्डोलस्थित एक कवाडी गोदाममा आगलागी भएको छ । आगलागीमा परी एक जना घाइते भएका छन् ।
आइतबार बिहान ११ः२० बजेतिर नेपालस्थित कोरियन दूतावासनजिकको कवाडी गोदाममा आगलागी भएको हो । आगोले कवाडीखाना नजिकैको घरहरुमा पनि क्षति पुर्याएको छ । विद्युत् सर्ट भई आगलागी भएको हुन सक्ने जनाइएको छ ।
आगलागीमा घाइते भएका एक जनाको उद्दार गरिएको छ भने अन्य व्यक्तिहरु पनि कवाडी खानाभित्र हुनसक्ने आशंका गरिएको महानगरीय प्रहरी परिसर, ललितपुरले जनाएको छ ।
सुरक्षाकर्मी र स्थानीयको सक्रियतामा आगो नियन्त्रणमा लिने प्रयास भइरहेको छ ।
