- बिहिबार, भदौ ४, २०८३ / Thursday, Aug, 20 ,2026
नेपाल कम्युनिस्ट पार्टी (नेकपा)को जारी केन्द्रीय समितिका अधिकांश सदस्यले मिलेनियम च्यालेन्ज कर्पोरेसन (एमसीसी)माथि प्रश्न उठाएपछि सुझाव संकलनका लागि कार्यदल बनेको छ ।
केन्द्रीय कार्यसमिति बैठकमा नेताहरुले उठाएको प्रश्नमा जवाफ दिंदै पार्टी अध्यक्ष पुष्पकमल दाहाल ‘प्रचण्ड’ ले एमसीसीबारे सुझाव संकलन गर्न कार्यदल गठन गर्ने घोषणा गरेका हुन् । कार्यदललाई १० दिनको समय दिएर सुझाव संकलन गर्ने म्याण्डेट दिइएको छ ।
वरिष्ठ नेता झलनाथ खनालको संयोजकत्वमा गठित कार्यदलमा स्थायी कमिटी सदस्यहरू भीम रावल र प्रदीप ज्ञवाली सदस्य छन् ।
समूहगत छलफल र छलफलको प्रस्तुतिपछि आज अर्का अध्यक्ष तथा प्रधानमन्त्री केपी ओलीको उपस्थितिमा अध्यक्ष दाहालले बैठकमा जवाफ दिइरहेका छन् ।
प्रचण्डले पेस गरेको राजनीतिक र महासचिव विष्णु पौडेलले पेस गरेको सांगठनिक प्रतिवेदन पारित गर्ने बैठकको कार्यसूची छ ।
