- बिहिबार, भदौ ४, २०८३ / Thursday, Aug, 20 ,2026
चीनबाट उद्धार गरिने नेपाली विद्यार्थीलाई राख्न चार वटा स्थान तय भएका छन्।
प्रधानमन्त्री केपी शर्मा ओलीले चीनबाट उद्धार गरीने विद्यार्थी राख्नका लागि शिवपुरी, इचङ्गुनारायण, सूर्यविनायक र खरिपाटी गरी चार क्वारेन्टाइन स्थल व्यवस्थित गर्न निर्देशन दिएका हुन्। उनले कोरोना भाइरसको खतरालाई मध्यनजर गर्दै नागरिकको स्वास्थ्य र सुरक्षाका निम्ति निर्धारित कार्ययोजनाअनुरूप तयारी पूरा गर्न पनि आग्रह गरे।
आज प्रधानमन्त्री निवास, बालुवाटारमा उपप्रधान तथा रक्षा, गृह, परराष्ट्र, स्वास्थ्य तथा जनसंख्या र पर्यटन मन्त्री, मुख्य सचिव, सुरक्षा अधिकारीसँगको विशेष बैठकमा ती स्थान तय गरिएको प्रधानमन्त्री स्रोतले जनाएको छ।
नेपालले १ लाख संख्यामा प्रोटेक्टिभ माक्स चीन सरकारलाई सहयोग उपलब्ध गराउने निर्णय पनि गरेको छ।
