- बिहिबार, भदौ ४, २०८३ / Thursday, Aug, 20 ,2026
अखिल नेपाल फुटबल संघ (एन्फा) पोखराका अध्यक्ष मिलन गुरुङ हिरासतबाट छुटेका छन् । उच्च अदालत पोखराको आदेशमा उनी दुई लाख धरौटीमा छुटेका हुन् ।
मिलनलाई फागुन १९ मा उपस्थित हुने गरी तारेखमा छाडेको उच्च अदालत पोखराका सूचना अधिकारी विश्वनाथ अर्यालले जानकारी दिएका छन् । बैकिङ कसुर अन्तर्गतको जाहेरीमा उनलाई प्रहरीले हिरासतमा लिएको थियो ।
यसअघि पोखरामा आयोजित मुख्यमन्त्री कपको उद्घाटन समारोहमा फितलो व्यवस्थापन गरेको र खेलाडीलाई बेवास्ता गरेको अभियोगमा गण्डकी प्रदेशका सांसद दीपक मनाङेले झापड हानेका थिए ।
मनाङेको झापड खाएपछि मिलनले उजुरी दर्ता गराएका थिए । प्रहरीले मनाङेलाई ३ दिन हिरासतमा राखेको थियो । उनी साधारण तारिखमा छुटिसकेका छन् ।
