- बिहिबार, भदौ ४, २०८३ / Thursday, Aug, 20 ,2026
बलात्कारको अभियोग लागेका प्रतिनिधिसभाका निवर्तमान सभामुख कृष्णबहादुर महरामाथिको आज ९आइतबार० अन्तिम सुनुवाइ शुरु भएको छ ।
जिल्ला अदालत, काठमाडौंका न्यायाधीश अमराज पौडेलको इजलासमा अन्तिम सुनुवाइ शुरु भएको हो ।
अदालतका श्रेस्तेदार आनन्दप्रसाद श्रेष्ठले सम्भवतः आजै फैसला आउन सक्ने जानकारी दिए । यसअघि ३ पुसमा महरालाई थुनामा राख्ने जिल्ला अदालतको आदेश उच्च अदालत पनि सदर गरेको थियो । तर, उनको मुद्दा एक महिनाभित्र किनारा लगाउन भनेको थियो ।
संसद सचिवालयकै कर्मचारीलाई बलात्कार प्रयास गरेको आरोपमा १९ असोजमा पक्राउ परेका महरालाई जिल्ला अदालत काठमाडौंले पुर्पक्षका लागि १८ कात्तिकमा डिल्लीबजार कारागार चलान गरेको हो ।
