- बिहिबार, भदौ ४, २०८३ / Thursday, Aug, 20 ,2026
प्रहरी कार्यालयमै बर्दी लगाएर पेस्तोल नचाउँदै टिकटक भिडियो बनाएर सार्वजनिक गर्ने प्रहरी नायव निरीक्षक (सई) रत्नबहादुर थापामाथि कारबाही हुने भएको छ ।
महानरीय प्रहरी कार्यालय रानीपोखरीले टिकटक भिडियो बनाएर सार्वजनिक गर्ने सईमाथि कारबाही अगाडि बढाएको हो ।
महानगरीय प्रहरी प्रभाग सुडालमा कार्यरत सई र उनकी श्रीमतीले प्रहरी पोसाक लगाएर टिकटक भिडियो बनाएर सार्वजनिक गरेका थिए । सई थापाकी श्रीमती भने प्रहरी नभएको महानगरीय प्रहरी कार्यालय रानीपोखरी प्रहरीले जनाएको छ ।
उनीमाथि अनुशासनको कारबाही हुने जनाईएको छ । प्रहरी कार्यालयभित्र कुनै पनि व्यक्तिगत मनोरञ्जनको गतिविधि गर्नुलाई संगठनको अनुशासन विपरीत मानिन्छ ।
