- बिहिबार, भदौ ४, २०८३ / Thursday, Aug, 20 ,2026
प्रहरीले खैरो हिरोइनसहित एक युवतीलाई पक्राउ गरेको छ । झापा शिव सतासी नगरपालिका-११ की २३ वर्षीया वीना डाँगी पक्राउ परेकी हुन् ।
महानगरीय प्रहरी प्रभाग नागढुङ्गाबाट खटिएको प्रहरी टोलीले काँकडभित्ताबाट काठमाडौं आउँदै गरेको ना७ख ५७०२ नम्बरको यात्रुबाहक बसबाट ४.२६ ग्राम खैरो हिरोइनसहित आइतबार साँझ डांगीलाई पक्राउ गरेको जनाएको छ ।
प्लाष्टिकको झोलामा पोका पारेर शरीरमा बाँधेर हिरोइन ल्याएको अवस्थामा डाँगीलाई पक्राउ गरिएको महानगरीय प्रहरी वृत्त थानकोटका प्रमुख, प्रहरी नायब उपरीक्षक घनश्याम श्रेष्ठले बताएका छन् ।
डाँगीलाई लागुऔषध नियन्त्रण ऐन २०३३ अनुसार आवश्यक अनुसन्धान तथा कारवाही गरिने प्रहरीले जनाएको छ ।
