- बिहिबार, भदौ ४, २०८३ / Thursday, Aug, 20 ,2026
नेपालस्थित अमेरिकी दूतावासको कर्मचारी भएको दाबी गरेर ठगी गरेको आरोपमा एक जना पक्राउ परेका छन् ।
पक्राउ पर्नेमा सिन्धुपाल्चोक घर भइ हाल काठमाडौंको कागेश्वरी मनोहरा–७ का ४१ वर्षीय विकास भनिने केदार खड्का छन् ।
महानगरीय अपराध अनुसन्धान महाशाखाका प्रमुख सहकुलबहादुर थापाका अनुसार बिहीबार दिउँसो खड्का पक्राउ परेका हुन् । थापाका अनुसार खड्काले दूतावासको ‘एक्जुकेटिभ म्यानेजर’ भएको बताएर लाखौं रुपैयाँ ठगी गरेका थिए ।
उनी संलग्न ठगीका श्रृंखलाबारे विस्तृत अनुसन्धान भइरहेको थापाको भनाइ छ ।
