- बिहिबार, भदौ ४, २०८३ / Thursday, Aug, 20 ,2026
देशका केही क्षेत्रमा आंशिक तथा केही ठाउँमा सामान्य बदली भए पनि अरु क्षेत्रको मौसम सामान्यतया सफा रहेको जल तथा मौसम पूर्वानुमान महाशाखाले जनाएको छ ।
अहिले देशको पश्चिमी भू-भागमा पश्चिमी वायुको प्रभाव रहेको मौसमविदले बताएका छन्। देशको पश्चिमी क्षेत्रमा अहिले सामान्य बदली रहेको छ। बाँकी भू-भागमा आंशिक बदलीको अवस्था रहेको मौसमविदले बताएका छन् ।
आइतबार दिउँसो देशको पहाडी भू-भागमा आंशिकदेखि सामान्य बदली रहने छ । बाँकी क्षेत्रको मौसम सामान्यतया सफा रहने जनाइएको छ।
अपरान्ह पश्चात पहाडी भू-भागका थोरै स्थानहरुमा मेघ गर्जन र चट्याङ्गसहित वर्षाको सम्भावना रहेको छ। उच्च पहाडी तथा हिमालि भू-भागका केही स्थानहरुमा हल्का हिमपातको सम्भावना रहेको मौसमविदले बताएका छन् ।
राति देशको पहाडी भू-भागमा आंशिक बदली रहने जनाइएको छ। बाँकी भू-भागमा मौसम सामान्यतया सफा रहनेछ। पश्चिमी क्षेत्रका एक–दुई स्थानहरुमा मेघ गर्जन र चट्याङ्गसहित वर्षाको सम्भावना रहेको छ।
