- बिहिबार, भदौ ४, २०८३ / Thursday, Aug, 20 ,2026
देशभरको मौसम मंगलबार सामान्यतया सफा रहने जल तथा मौसम पूर्वानुमान महाशाखाले जनाएको छ । अहिले नेपालमा स्थानीय वायुको प्रभाव रहेको मौसमविदले बताएका छन् । हाल देशैभरिको मौसम सामान्यतया सफा रहेको छ।
मंगलबार दिउँसो देशको पूर्वी तथा मध्य पहाडी भूभागमा आंशिकदेखि सामान्य बदली रहने मौसमविदले बताएका छन् । यस्तै पश्चिम पहाडी भूभागमा आंशिक बदली रहने जनाइएको छ ।
तराईका क्षेत्रमा मौसम सामान्यतय सफा रहने छ । मध्य तथा पूर्वी पहाडी भूभागका थोरै स्थानहरुमा र पश्चिमी पहाडी भूभागका एक–दुई स्थानमा मेघ गर्जन र चट्याङ्गसहित वर्षाको सम्भावना रहेको मौसमविदले बताएका छन् ।
राति देशको पूर्वी तथा मध्य पहाडी भूभागमा आंशिकदेखि सामान्य बदली रही पश्चिमी पहाडी भूभाग आंशिक बदली रहने मौसमविदले बताएका छन् ।
तराईका क्षेत्रमा मौसम सामान्यतय सफा रहने छ । मध्य तथा पूर्वी पहाडी भू–भागका एक–दुई स्थानमा राति मेघ गर्जन र चट्याङ्गसहित वर्षाको सम्भावना रहेको मौसमविदले बताएका छन् ।
