- बिहिबार, भदौ ४, २०८३ / Thursday, Aug, 20 ,2026
प्रतिनिधिसभाको बैठकमा कोरोना भाइरस कोभिड–१९ बारे जरुरी सार्वजनिक महत्त्वको प्रस्ताव पेश भएको छ।
शुक्रबारको बैठकमा काँग्रेस सांसद गगनकुमार थापाले जरुरी सार्वजनिक महत्त्वको प्रस्ताव पेश गरेका हुन् । प्रस्ताव पेश गर्दै कांग्रेसका सांसद गगन थापाले कोरोनाभाइरस संक्रमणबाट नतर्सिकन सचेत रहन सबैमा आग्रह गरे ।
थापाले सरकारले उपप्रधानमन्त्री स्तरमा बनाएको समिति र अरु प्रयाससमेतलाई अनुगमन र निगरानी गर्न संसदीय समिति बनाउन माग पनि गरे ।
बैठकमा प्रस्ताव पेश गर्दै थापाले भने, ‘कोरोनाभाइरसबाट सचेत रहने हो तर्सने होइन । हामीलाई तयारीका लागि अहिले गोल्डेन पिरियड छ । हाम्रोजस्तो तयारीका लागि समय अरू देशले पाएन । सुझबुझपूर्ण तयारी गरौं । सरकारले जे जति काम गरेको छ, म प्रशंसा गर्छु, । छरपस्ट होइन एकजुट भएर तयारीमा जुटौं ।’
संसदमा थापाले राखेको सार्वजनिक महत्वको प्रस्तावको समर्थन गर्दै कांग्रेस सांसद दिब्यमणि राजभण्डारीले औषधि र मास्क लुकाउनेलाई कडा दण्ड दिँदै जेल हाल्न माग गरे ।
