- आइतवार, कार्तिक १६, २०८३ / Sunday, Nov, 01 ,2026
महत्तरीमा गत फागुन १८गते राति घर छेउमा पिसाब गर्न निस्केका एक वृद्धलाई गोली हान्ने आफ्नै ज्वाइँ भएको रहस्य खुलेको छ ।
आर्थिक लेनदेनका कारण मनमुटाव हुँदा आफ्नै कान्छा ज्वाइँ सन्तोष यादवले गोली हानेको ६२ वर्षीय घाइते सहदेवप्रसाद यादवले प्रहरीलाई जनाएका छन् ।
महोत्तरीको मनरासिसवा नगरपालिका ३ का यादवको दायाँ कोखमा गोली लागेर गम्भीर घाइते भएका थिए । यादवको हाल जनकपुरधामस्थित जानकी हेल्थकेयर अस्पतालमा उपचार भैरहेको छ । पाँच दिन हस्पिटलको आइसीयू कक्षमा राखेर उपचार गरिएका उनी अहिले खतरामुक्त रहेका चिकित्सकले बताएका छन् ।
यादवमाथि गोली प्रहार गर्ने उनका ज्वाइँ सन्तोष यादवलाई प्रहरीले प्रक्राउ गरेको छ ।
