- शनिबार, कार्तिक २२, २०८३ / Saturday, Nov, 07 ,2026
महानगरीय प्रहरी अपराध महाशाखाको टोलीले विभिन्न व्यक्तिलाई दुवईमा रोजगारीमा लगाइदिने भन्दै लाखौँ ठगी गर्ने एक जनालाई पक्राउ गरेको छ।
प्रहरीले बाग्लुङ ढोरपाटन ४ का शिव कुमार घर्ती मगरलाई काठमाडौंको गोंगबुबाट पक्राउ गरेको हो। मगर रानीवन बस्दै आएका थिए।
उनले नौ जनालाई वर्किङ भिसा लगाइदिने भनी १० लाख ५३ हजार १ सय रुपैयाँ ठगी गरेको प्रहरीले जनाएको छ।
उनलाई टोलीले थप कारबाहीका लागि महानगरीय प्रहरी परिसर काठमाडौं टेकु पठाएको छ।
