- बिहिबार, भदौ ४, २०८३ / Thursday, Aug, 20 ,2026
सरकारले कोरोना भाइरसप्रति सावधानी अप्नाउन भन्दै सिनेमाहल, सांस्कृतिक केन्द्रहरु, रंगशाला लगायतका धेरै मानिस भेला हुने क्षेत्रहरु बन्द गर्ने निर्णय गरेको छ ।
बुधबार उपप्रधान एवं रक्षामन्त्री ईश्वर पोखरेलको संयोजकत्वमा गठित उच्चस्तरीय समितिको सिंहदरबारमा बसेको बैठकले फिल्महल, सांस्कृतिक केन्द्र, रंगशाला, हेल्थ क्लब, म्युजियम, मनोरञ्जनस्थल लगायतलाई वैशाख १८ गतेसम्मबन्द गर्ने निर्णय गरेको हो ।
त्यस्तै सार्वजनिक स्थलहरुमा २५ जना भन्दा बढी मानिसहरु भेला हुन नपाइने निर्णय गर्नुका साथै पुनः अतिआवश्यक काम बाहेक बाहिर ननिस्कन आग्रह गरेको छ । यसको अनुगमन गृह, संस्कृति पर्यटन तथा नागरिक उड्डयन र सञ्चारमन्त्रालयले गर्ने भएको छ ।
