- बिहिबार, भदौ ४, २०८३ / Thursday, Aug, 20 ,2026
प्रहरी निरीक्षकसहित तीन जनाको ज्यान जाने गरी धनुषामा भएको बम विस्फोट घटनामा संलग्न रहेको आरोपमा थप एक जनालाई प्रहरीले पक्राउ गरेको छ ।
जिल्लाको क्षिरेश्वरनाथ नगरपालिका–५ स्थित महेन्द्रनगरमा भएको बम विस्फोट घटनामा संलग्न आरोपमा प्रहरीले धनुषाधाम नगरपालिका–५ का गंगा मण्डल खत्बेलाई पक्राउ गरेको हो ।
धनुषाका प्रहरी नायव उपरीक्षक रामेश्वर कार्कीका अनुसार पक्राउ परेका खत्वे विप्लव नेतृत्वको नेकपाका कार्यकर्ता हुन् । उनीसहित यो घटनामा संग्लन भएको आरोपमा पक्राउ पर्नेको संख्या ६ पुगेको छ ।
मंसिर २७ गते राति भएको सो बम विस्फोटमा परी इलाका प्रहरी कार्यालय महेन्द्रनगरमा कार्यरत प्रहरी निरिक्षक अमिरकुमार दाहाल, घरधनी ४८ वर्षीय साह र उनका १६ वर्षीय आनन्दकुमार साहको मृत्यु भएको थियो ।
विस्फोटमा राजेशका बुवा ७० वर्षीय भिखारी साह, राजेशका छोरा १९ वर्षीय प्रकाश साह, राजेशकी छोरी १७ वर्षीया अञ्जली साह, छिमेकीहरु अकवर मन्सुर, सकिला खातुन, निक्की साह र प्रहरी जवान रिजनाथ महतो घाइते भएका थिए ।
