- बिहिबार, भदौ ४, २०८३ / Thursday, Aug, 20 ,2026
सरकारले मुलुकभरका सबै मेडिकल कलेज, शिक्षण अस्पताल, स्वास्थ्य विज्ञान प्रतिष्ठान, प्रादेशिक अस्पताल, प्रदेश मातहतका सबै अस्पतालमा कोरोना भाइरस (कोभिड–१९ ) को उपचार गर्न निर्देशन जारी गरेको छ ।
ती स्वास्थ्य संस्था सबैलाई अनिवार्य रुपमा कोभिड क्लिनिक तथा आकस्मिक सेवा साविक बमोजिम नै सञ्चालन गर्न पनि सरकारले निर्देशन दिएको छ ।
मेडिकल कलेज र अस्पतालले सामान्य ज्वरो आएका बिरामीलाई समेत उपचार नगरी फिर्ता पठाइदिन थालेपछि स्वास्थ्य तथा जनसंख्या मन्त्रालयले यस्तो निर्देशन दिएको हो ।
मन्त्रालयका प्रवक्ता डा. विकास देवकोटाद्वारा जारी विज्ञप्तिमा सेवा प्रदान गर्दा चिकित्सक, नर्स तथा स्वास्थ्यकर्मीहरु, बिरामी र बिरामीका आफन्तहरुको स्वास्थ्य सुरक्षालाई ध्यानमा राखेर आवश्यक व्यवस्था मिलाउन पनि मन्त्रालयले निर्देशन जारी गरेको छ ।
