- बिहिबार, भदौ ४, २०८३ / Thursday, Aug, 20 ,2026
स्वास्थ्य मन्त्रालयले कोरोना संक्रमित ८ जनाको स्वास्थ्य अवस्था सामान्य रहेको जनाएको छ ।
मन्त्रालयमा मंगलबार आयोजित नियमित पत्रकार सम्मेलनमा मन्त्रालयका प्रवक्ता डा. बिकास देवकोटाले कोरोना संक्रमित ८ जनाको अवस्थामा सामान्य रहेको जानकारी दिएका हुन् ।
यस्तै उनले मंगलबार नयाँ कोरोना संक्रमित नदेखिएको बताए । उनले अहिलेसम्म टेक प्रयोगशालामा १८९६ जनाको परिक्षण भएको जानकारी दिए । मुलुकभर १०० जना आइशोलेशनमा रहेको र १७२ जना रेड जोनमा रहेको उनले बताए ।
त्यस्तै मुलुकभरका ९ स्थानबाट कोरोना परिक्षण सुरु गरिएको र यसलाई विस्तार गरिने छ । उनले कोरोना परिक्षणलाई तिव्र रुपमा बढाउने गरि काम भइरहेको पनि जानकारी दिए ।
