- बिहिबार, भदौ ४, २०८३ / Thursday, Aug, 20 ,2026
ड्युटी सकेर घर फर्किदै गरेका डाक्टरमाथि प्रहरीले कुटपिट गरेको घटनाका विषयमा छानविन गर्न महानगरीय प्रहरी कार्यालय रानीपोखरीले समिति गठन गरेकोछ ।
एसएसपी किरण वज्राचार्यको नेतृत्वमा गठित ३ सदस्यीय समितिमा अपराध महाशाखाका एसपी मुकेश सिंह र परिसर काठमाडौंका डीएपी होबिन्द्र बोगटी सदस्य छन् ।
महानगरीय प्रहरी वृत्त महाजगञ्जका प्रहरीले बुधबार साँझ ड्युटी सकेर घर फर्किंर्दै गरेका शिक्षण अस्पतालका डा. शम्भु खनाल, तेजप्रकाश साह र कान्ति अस्पतालका डा. विकास साहमाथि कुटपिट गरेका थिए ।
उक्त आरोपछि घटनाका विषयमा छानविन गर्न समिति गठन गरिएको महानगरिय प्रहरी प्रमुख डिआइजी विश्वराज पोखरेलले जानकारी दिए । उनले भने– ‘छानविन समितिले दिएको प्रतिवेदनका आधारमा के गर्ने भन्ने निर्णय गरिने छ ।‘
चिकित्सकहरूले आफूमाथि प्रहरीले लाठी प्रहार गरेको बताउँदै आएका छन् भने महाराजगन्ज प्रहरी वृत्तका डिएसपी उमेश लम्सालले सामान्य भनाभन भएको दाबी गरेका छन् ।
