- बिहिबार, भदौ ४, २०८३ / Thursday, Aug, 20 ,2026
लकडाउनका कारण मानिसहरु हिँडेरै गाँउ फर्कन थालेको गुनासो बढेपछि प्रधानमन्त्री केपी शर्मा ओलीले बैठक बोलाएका छन्।
लकडाउनका कारण उपत्यकामा अलपत्र परेका र पैदल हिंडेर गएर बाटैमा रोकिएकालाई जान दिनेबारे छलफल गर्न प्रधानमन्त्रीले मन्त्रीहरुलाई प्रधानमन्त्री निवास बालुवाटारमा बोलाएका हुन् ।
स्रोतका अनुसार सयौं किलोमिटर टाढाका जिल्लावासीहरु समेत दिनहुँ काठमाडौंबाट बालबालिकासहित पैदलै जान थालेपछि सरकारले त्यसबारे छलफल सुरु गरेको छ ।
सरकारले लकडाउनको चपेटामा परेका मजदुरहरुको लागि कुनै राहतको व्यवस्था गर्न नसकेको भनेर अहिले सरकारको चौतर्फी आलोचना भइरहेको छ ।
