- बिहिबार, भदौ ४, २०८३ / Thursday, Aug, 20 ,2026
दाङको एउटा सामुदायिक वनमा फेला परेको ‘मोर्टार बम’ नेपाली नेपाली सेनाले डिस्पोज गरेको छ ।
देउखुरीको राप्ती गाउँपालिका-१ मा रहेको रामजहरी सामुदायिक वनमा फेला परेको बम घोराहीबाट गएको सेनाले डिस्पोज गरेको हो ।
टुइञ्च मोर्टारमा लाग्ने (यूएसओ)बम आइतबार दिउँसो घोराहीको रिपुमर्दन गणको टोलीले डिस्पोज गरेको प्रहरीले जानकारी दिएको छ ।
मेलापातका लागि जंगल गएका स्थानीय महिलाहरुले बमजस्तो वस्तु देखेपछि इलाका प्रहरी कार्यालय भालुवाङलाई खबर गरेका थिए । प्रहरीले घोराहीबाट डिस्पोजका लागि नेपाली सेनालाई बोलाएको थियो ।
नेपाली सेनाको बम डिस्पोज टोलीले बम डिस्पोज गरेको हो । बम लगभग जीर्ण अवस्थामा फेला परेको हुँदा तत्कालीन युद्धका क्रममा छोडिएको हुनसक्ने प्रहरीको अनुमान छ ।
