- बिहिबार, भदौ ४, २०८३ / Thursday, Aug, 20 ,2026
विश्वभर महामारीको रुप लिएको कोरोना भाइरस संक्रमणका कारण ३ लाख ७ हजार ४ सय ८६ जनाको मृत्यु भएको छ भने ४५ लाख ३८ हजार ४ सय ६ जना संक्रमित भएका छन् ।
कोरोनाको प्रभाव सबै भन्दा बढी अमेरिकामा परेको छ । हालसम्म अमेरिकामा ८७ हजार ५ सय ३० जनाको मृत्यु भएको छ भने, १४ लाख ४२ हजार ८ सय १९ जना संक्रमित भएका छन् । इटलीमा संक्रमितको संख्या २ लाख २३ हजार पुगेको छ र मृतक संख्या ३१ हजार ६ सय १० पुगेको छ । ब्राजिलमा २ लाख १८ हजार २ सय २३ जना संक्रमित भएका छन् र १४ हजार ८ सय १७ जनाको मृत्यु भएको छ ।
त्यस्तै रसियामा २ लाख ६२ हजार ८ सय ४३ जना संक्रमित भएका छन् भने २ हजार ४ सय १८ जनाको मृत्यु भएको छ ।
बेलायतमा २ लाख ३८ हजार संक्रमित छन् भने मृतक संख्या ३४ हजार ७८ रहेको छ । स्पेनमा २ लाख ३० हजार १ सय ८३ संक्रमित छन् भने २७ हजार ४ सय ५९ जनाको मृत्यु भएको छ ।
फ्रान्समा १ लाख ७९ हजार ६ सय ३० जना संक्रमित भएका छन् र २७ हजार ५ सय ३२ जनाको मृत्यु भएको छ ।कोरोना भाइरसको संक्रमणबाट हालसम्म १७ लाख ५४ हजार मानिस निको भएका छन् ।
