- बिहिबार, भदौ ४, २०८३ / Thursday, Aug, 20 ,2026
बाराको पचरौता नगरपालिका वडा नम्बर १ पिपरपाती निवासी ३० वर्षीय युवकमा कोरोना भाइरस संक्रमण देखिएको छ ।
भारतको दिल्लीबाट केहीदिन अघि आएर क्वारेन्टाइनमा युवकमा बिहीबार कोरोना भाइरस फेला परेको हो ।
दिल्लीबाट नेपाल आउने क्रममा सिमावर्ती आदापुरमा भारतीय प्रहरीले रोकेर सोही ठाँउमा रहेको क्वारेन्टाइनमा राखेको थियो । सोही क्रममा भारतीय प्रहरीले सो युवकको स्याब संकलन गरेको थियो ।
युवकमा पीसीआर रिपोर्ट पोजेटिभ देखिएको भारतीय सुरक्षाकर्मीले आजै जानकारी दिएको बारा प्रहरी प्रवक्ता डिएसपी गौतम मिश्राले जानकारी दिएका छन् ।
बिहीबार बिहान भारतीय प्रहरीले ती युवकलाई कोरोना पुष्टि भएको र छुट्टै राख्नु भनि जानकारी दिएपछि उनलाई कलैया अस्पतालमा आइसोलेसन वार्डमा ल्याउन एम्बुलेन्स पठाइसकेको प्रवक्ता मिश्राले जानकारी दिएका छन् ।
भारतमा चेकगर्दा पोजिटिभ आएपनि अधिकारिक रुपमा फेरि पीसीआर चेक गर्नुपर्ने जनाइएको छ ।
