- बिहिबार, भदौ ४, २०८३ / Thursday, Aug, 20 ,2026
कोरोना भाइरसको सङ्क्रमणबाट नेपालमा थप एक जनाको ज्यान गएको छ ।
कलेजोको रोगका कारण किस्ट अस्पताल ललितपुरमा भर्ना भएका ललितपुर महानगरपालिका २२ बुङमतीका ५७ वर्षका एक पुरुषको ज्यान गएको हो । उनको ज्यान गएपछि कोरोनाको सङ्क्रमण भएको रिपोर्ट आएको थियो ।
जिल्ला स्वास्थ्य कार्यालय ललितपुरका प्रमुख डाक्टर खगेश्वर गेलालले उनको रिपोर्ट कोरोना पोजेटिभ आएको जानकारी दिए। तर यस बारे स्वास्थ्य मन्त्रालयले भने औपचारिक पुष्टि गर्न बाँकी छ । कोरोना पोजेटिभ रिपोर्ट आएपछि किस्ट अस्पताललाई उच्च निगरानीमा राखिएको छ ।
उनलाई ११ गते अल्कोहलिक लिभर डिजिज भएपछि उपचारको लागि पाटन अस्पताल लगिएको थियो । तर आईसीयू नभएपछि किस्टमा रिफर गरिएको थियो । उपचारकै क्रममा उनको बुधबार निधन भएको हो ।
यो सँगै नेपालमा कोरोनाका कारण ५ जनाको ज्यान गएको छ । यसअघि सिन्धुपाल्चोक, बाँके, गुल्मी र बारामा कोरोना सङ्क्रमणका कारण चारजनाको ज्यान गएको थियो ।
