- आइतवार, कार्तिक २३, २०८३ / Sunday, Nov, 08 ,2026
सोलुखुम्बुमा पहिलोपटक कोरोना संक्रमित व्यक्ति भेटिएका छन् ।
सोलुदूधकुण्ड नगरपालिका–८ का २७ वर्षीय एक पुरुषमा कोरोना ‘पोजिटिभ’ देखिएको सोलुखुम्बुका प्रमुख जिल्ला अधिकारी रमा आचार्यले जानकारी दिइन् ।
कोरोनासँग मिल्दोजुल्दो लक्षणसहित बिरामी परेपछि उनलाई फाप्लु अस्पतालको ‘आइसोलेसन वार्ड’मा राखेर उपचार भइरहेको थियो । कोरोना पुष्टि भएसँगै बिहीबार उनलाई विराटनगरस्थित कोभिड–१९ उपचार केन्द्र पठाइएको छ ।
काठमाडौंको टेकुस्थित राष्ट्रिय जनस्वास्थ्य प्रयोगशालामा दोस्रोपटक गरिएको उनको ‘पीसीआर’ परीक्षणको रिपोर्ट पोजिटिभ देखिएको हो ।
संक्रमित युवक दुई वर्षअघि वैदेशिक रोजगारीबाट आएर गाउँमा घर बनाउने काम गर्दै आएको बताइएको छ ।
