- बिहिबार, भदौ ४, २०८३ / Thursday, Aug, 20 ,2026
सत्तारुढ दल नेपाल कम्युनिष्ट पार्टी (नेकपा) की सांसद सत्या पहाडीले रुकुम पश्चिममा भएको घटनाका दोषीलाई कडा कारबाही गर्न माग गरेकी छन् ।
पुर्ब शान्ति तथा पुर्ननिर्माण मन्त्रीसमेत रहेकी सांसद पहाडीले जाजरकोटको भेरी नगरपालिकाका चारसहित अन्य २ जनाको ज्यान जाने गरी भएको घटनाका दोषीलाई कानुनी कठघरामा उभ्याउन सरकारसँग माग गरेकी छन् ।
उनले पीडित परिवारलाई आफूले न्याय पाउनेगरी अनुसन्धान प्रक्रियालाई प्रभावकारी बनाउन सरकारसँग माग गरेकी छन् । त्यस्तै उनले पीडित परिवारलाई राहतको व्यवस्था गर्न माग गरेकी छन् ।
‘यो घटना आधुनिक मानवीय मूल्यलाईसमेत चुनौती दिने खालको छ’, उनले भनिन् ।
गत जेठ १० गते पश्चिम रुकुमको सोतीमा जाजरकोटाका ६ जना युवाको निर्मम हत्या गरिएको थियो । घटनापछि एक जना युवा बेपत्ता रहेका छन्।
