- आइतवार, कार्तिक १६, २०८३ / Sunday, Nov, 01 ,2026
सिन्धुलीमा थप २ जनामा कोरोना संक्रमण पुष्टि भएको छ ।
कमलामाई नगरपालिका ६ शिवनगर स्थित भू तथा जलाधार कार्यालयमा रहेको क्वारेन्टाइनमा भारतबाट आई बसेका २ जना पुरुषमा कोरोना संक्रमण पुष्टि भएको स्वास्थ्य कार्यालय सिन्धुलीले जानकारी दिएको हो ।
कमलामाई नगरपालिका वडा नं.११ का १७ वर्षीय पुरुष र तिनपाटन गाउँपालिका वडा नं. ३ का २५ वर्षीय पुरुषमा कोरोना संक्रमण पुष्टी भएको स्वास्थ्य कार्यालय सिन्धुलीका प्रमुख जितेन्द्र शाहले जानकारी दिए।
उनीहरु दुवैलाई शुक्रबार विहान क्वारेन्टाईनबाट सिन्धुली अस्पतालको आईसोलेसनमा राखिएको छ । उनीहरुको स्वास्थ्य अवस्था सामान्य रहेको छ ।
योसँगै सिन्धुलीका ४ जनामा कोरोना पुष्टि भएको छ ।
