- बिहिबार, भदौ ४, २०८३ / Thursday, Aug, 20 ,2026
जेठ २२ गते सडक दुर्घटनामा परी पोखरास्थित मणिपाल अस्पतालमा उपचारका लागि आएका ३५ वर्षीय युवामा कोरोना संक्रमण देखिएको छ ।
उनीमा कोरोना संक्रमण देखिएलगत्तै मणिपालको न्युरो आइसीयू सेवा बन्द भएको छ । ती युवामा कोराना संक्रमण भएलगत्तै अस्पताल प्रशासनले अस्पतालमा कार्यरत २२ जना चिकित्सक र कर्मचारीहरु क्वारेन्टाइनमा रहेको जानकारी दिएको छ ।
संक्रमित विरामीलाई पोखरा स्वास्थ्य विज्ञान प्रतिष्ठानको आइसोलेसमा लगिसकिएको गण्डकी प्रदेश स्वास्थ्य निर्देशनालयका निर्देशन डा. बिनोद बिन्दु शर्माले बताए ।
पर्वतका ती युवामा संक्रमण पर्वतमा नै देखियो वा अस्पतालमा देखियो भन्नेबारे भने अनुसन्धान भईरहेको छ । उनीसँगै गण्डकी प्रदेशमा शुक्रबारसम्म संक्रमितको संख्या १८८ पुगेको छ ।
