- बिहिबार, भदौ ४, २०८३ / Thursday, Aug, 20 ,2026
नेपालमा पछिल्लो २४ घण्टामा अहिलेसम्मकै धेरै कोरोना संक्रमित पुष्टि भएका छन्।
स्वास्थ्य तथा जनसंख्या मन्त्रालयका अनुसार शुक्रबार ४४८ जना नयाँ संक्रमित थपिएका छन्।
संक्रमितमध्ये ४२४ पुरुष र २४ जना महिला रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जनाएका छन् ।
योसँगै नेपालमा कोरोना भाइरसका संक्रमितको कुल संख्या ५ हजार ६२ पुगेको हो।
आज १६ जना डिस्चार्ज भएसँगै हालसम्म ८७७ जना उपचारपछि निको भएर घर फर्किएका छन् । हालसम्म १६ जना कोरोना संक्रमितको मृत्यु भएको छ।
