- बिहिबार, भदौ ४, २०८३ / Thursday, Aug, 20 ,2026
दश वर्षअघि यात्रुबाहक बसमा बम विस्फोट गराएको आरोपमा जिल्ला प्रहरी कार्यालय रौतहटले दुई जनालाई पक्राउ गरेको छ ।
२०६७ सालमा गौर–चन्द्रनिगाहपुर सडकखण्डको हजमिनियामा भएको बम विष्फोटको आरोपमा प्रहरीले इशनाथ नगरपालिका रामपुरखापका शेख गुलाम सरवर र दिलिप कुमार साहलाई पक्राउ गरेको हो ।
सो विष्फोटको जिम्मा तत्कालिन भूमिगत समूह तराई जनतान्त्रीक मुक्ती मोर्चाले लिएको थियो । दुवै जनामाथि ज्यान मार्ने उद्योग तथा विष्फोटक पदार्थ सम्बन्धी मुद्दा अदालतमा विचाराधिन रहेको छ ।
२०६७ साल चैत्र ११ गते गौरबाट चन्द्रनिगाहपुर तर्फ जाँदै गरेको ना २ ख ५७२१ नम्बरको यात्रुबाहक बसमा विष्फोट हुँदा १३ जना घाइते भएका थिए ।
