- बिहिबार, भदौ ४, २०८३ / Thursday, Aug, 20 ,2026
नेपाल कम्युनिस्ट पार्टी (नेकपा) का उपाध्यक्ष बामदेव गौतमले नेपाल–भारत प्रवेशमा कडाइ गर्न भिसाको व्यवस्था गर्न माग गरेका छन् ।
प्रधानमन्त्रीको सरकारी निवास बालुवाटारमा शनिबार बसेको स्थायी बैठकमा गौतमले नेपाल भारतका खुला सीमामा पर्खाल लगाउनुपर्ने बताएका छन् ।
उपाध्यक्ष गौतमले दशगजाको दुवैतर्फ ५ मिटर अग्लो पर्खाल लगाउन सरकारसँग माग गरेका छन् । उनले दुवै छिमेकी राष्ट्रसँग रहेका समस्या शान्ति वार्तावाट नै समाधान गर्नुपर्ने बताए ।
उनले बैठकमा भनेका थिए, ‘अब ढिला नगरी नेपाल भारतबीच रहेको खुल्ला सीमाना बन्द गरी प्रवेशाज्ञा प्रणाली लागु गर्नुपर्छ। प्रवेशाज्ञा भने निःशुल्क उपलब्ध हनुपर्छ । सिमानामा दुवै राष्ट्रको हितका निम्ति दशगजाको दुवैतर्फ ५ मिटर अग्ला पर्खाल लगाउनु पर्छ ।’
